Нууц тарни

Гэрэл цацарсан тийм гуниггvй тунгалаг харцтай
Гэнэ гэнэхэн тулгарах болсон тийм гэгэлгэн цаг сан
Vдэмбэр биеийх нь сайхан солонгорон тунараад ирэхлээр нь
Vзгээн шvvрч шvлэг бичмээр болдог тийм гайхамшигт vзэсгэлэн сэн

Учир шалтгааны маш нууцыг гогцооруулсан гил хархан vснээс нь
Ум зандан, гvгэл, гvргэлийн vнэр сэнгэнээд ирэхлээр
Уянгалаг болсон нь илтэд аргагvй сэтгэлийн цэцэг мeшeeн
Урган цогцлоод алаглан дэлгэрэх нь илэрхийеэ жавхаатай

Бурханлиг тийм vзэсгэлэнгийн дотоод мeнийг мэдэн ариусах
Нууц тарнийн хувилгаан эгшгийг цээжиндээ суваргалуулан бясалгав би
Бусдаас харамнан атгагтаж биш, харин тvгээн сэнхэрvvлэхийн тулд
Нууц тарнийн хувилгаан эгшгийг цээжнээсээ цацруулан гэрэлтэв би



2007.12.21